पर्यटकीय गाउँ चित्रे संसारभरका पर्वतेलीहरु भेला हुँदैछन् । अन्तराष्ट्रिय पर्वत समाजको निमन्त्रणामा गैह्र आवासीय नेपालीहरु, राजनीतिक नेता, कर्मचारी, पत्रकार, संघसंस्थका प्रमुखहरु भेला हुन लागेका हुन् । भेलाका लागि बिदेश देखि स्वदेश सम्म विभिन्न तयारी भैरहेका छन् ।
अन्तराष्ट्रिय पर्वत समाजले तेस्रो अधिवेशनको लागि आयोजकले तयारी तिव्र गरेको छ । समाजले कात्तिक ४ गते अर्थात अंग्रेजी अक्टोवर २१ तारिखका दिन पर्वतको मोदी गाउँपालिका–७ मा पर्ने पर्यटकिय गाउँ चित्रेमा अधिवेशन आयोजना गरेको हो ।
संस्थाले अधिवेशनका लागि आर्थिक समिति, ब्यबस्थापन समिति, प्रचार प्रसार समिति, समन्वय समिति, प्रमुख अतिथि लगायतका विविध विषयमा समिति गठन गरेको संस्थाका नेपाल प्रतिनिधी मुना भुषालले जानकारी दिनुभयो । अधिबेशनको राष्ट्रिय सभाका अध्यक्ष गणेशप्रसाद तिमिल्सिनालले उद्घाटन गर्ने कार्यक्रम तय भएको भुषालले बताउनु भयो ।
मोदी गाउँपालिका सँगै जिल्लाको समग्र विकास र समृद्धिमा टेवा पु¥याउने उद्देश्यले चित्रेमा अधिवेशन तोकिएको अन्तराष्ट्रिय पर्वत समाजका अध्यक्ष पुरन गिरीले जानकारी दिनुभयो । चित्रेवाट समाजले कुनकुन क्षेत्रमा लगानी गर्ने र संस्थाका भावी रण्नितिका विषयमा कार्ययोजना तय गरिनेछ ।
प्रकाशित मिति २०७८ असोज २७ गते बुधबार ०३:१०
