प्यूठानमा युवक हत्याको आरोपमा प्रहरीले दुई जनालाई पक्राउ गरेको छ ।
भण्डारीहरुको कूल पूजा हेर्न गएका मोहन महत्तरालाई कुटपिट गरी हत्या गरेको आरोपमा दुई जनालाई पक्राउ गरेको जिल्ला प्रहरी कार्यालय प्युठानका प्रहरी नायव उपरीक्षक (डीएसपी) सत्यनारायण थापाले बताए ।
उनका अनुसार पक्राउ पर्नेमा प्युठानका प्रशन्न भण्डारी र कुँवेर मगर रहेका छन् ।
भण्डारी र कुँवरले मंसिर २४ गते कूल पूजामा झगडा हुँदा महत्तरालाई कुटपिट गरी हत्या गरेको उनले बताए छ ।
पक्राउ परेका उनीहरुमाथि थप अनुसन्धान भइरहेको छ ।
प्रकाशित मिति २०७८ मङ्सिर २७ गते सोमबार ०१:३२
