श्यामशितल परियार/उज्यालो ।
लमजुङ, वैशाख ९– आफूसँगका केही साथी मुग्लान भासिएका छन् । कोही अन्य पेशा व्यवसायमा होमिएका छन् । तर लमजुङ सुन्दरबजारका रामजी भट्टराई भैँसी गोठमै रम्नुभएको छ । घाम उदाएदेखि अस्ताएसम्म उहाँ भैँसी फार्ममै व्यस्त हुनुहुन्छ ।
गोठ सफा गर्नु, भैँसीलाई घाँस, पराल, पानी खुवाउनु, भैँसी चराउनु, बिहान र साँझ दूध दुहुनु र नजिकै बजारमा लगेर दूध बिक्री गर्नु उहाँको दैनिकी बनेको छ ।
‘बिहानैदेखि साँझसम्म भैँसी फार्ममै व्यस्त हुन्छु,’ भैँसीका लागि टौवाबाट पराल तान्दै उहाँले भन्नुभयो ।
व्यवसायमा परिवारको पनि उत्तिक्कै साथ मिलेको छ, रामजीलाई । उहाँले २०७३ सालबाट व्यावसायिक भैँसीपालन सुरु गर्नुभएको हो । २३ लाखको लगानीमा उहाँले व्यवसाियक भैँसीपालन सुरु गर्नुभएको हो । उहाँले सुन्दरबजार नगरपालिका–२, परेवाडाँडा हाँडेटारमा १० रोपनी जग्गा खरिद गर्नुभएको छ । एक रोपनी जग्गामा भैँसीपालन व्यावसाय सञ्चालन गर्नुभएको छ ।
प्रकाशित मिति २०७५ बैशाख २६ गते बुधबार ११:३७
