चर्चाको विषय
आज परेको १२ औँ गणतन्त्र दिवसको अवसरमा पर्वतको मोदी गाउँपालिका ६ तिलाहारको डिमुवामा बृहत निशुल्क स्वास्थ्य शिविर संगै रतmदान कार्यक्रम सम्पन्न भएको छ । गणतन्त्र दिवसको अबसरमा आयोजित दुई दिने शिबिरमा आज ४० जना ले रक्तदान गरेको संबिधान...
पेट तथा कलेजो सम्बन्धि रोगहरुको परीक्षणको लागि बिर हस्पिटल काठमाण्डौका प्राध्यापक डा. बिधाननीधि पौडेल, मानसिक तथा नशा रोगका लागि काठमाण्डौको प्रहरी अस्पताल र नर्भिक अस्पतालका डिआई.जी डा. अजित गुरुङ, मृगौला सम्बन्धि रोगको लागि बिशेषज्ञ डा. सन्तोष गुरुङ, नाक, कान तथा घाँटी रोगका लागि विशेषज्ञ डा. शैलेन्द्र बी पोखरेल, दन्त रोगका लागि विशेषज्ञ डा. सञ्जु पौडेल, हाडजोर्नी तथा नशा रोगको लागि बिशेषज्ञ डा. ईश्वर शर्मा कँडेल नेतृत्वको चिकित्सकहरुको टोलीले जाँच तथा उपचार गर्नुएभएको थियो । शिविरमा ईको, ईसिजी, भिडियो एक्स रे, सुगर जाँच, रगतको समूहको परीक्षण लगायतका सेवाहरु पनि उपलब्ध गराईएको थियो । रेडियोकी अध्यक्ष चापागाईँका अनुसार शिविरको दोस्रो तथा अन्तिम दिन आज रक्तदान पनि गरिएको छ । हिजो पहिलो दिन झण्डै २ हजार जनाको स्वास्थ्य परीक्षण गरिएकोमा आज २५ सयजनाको स्वास्थ्य परीक्षण गरिएको छ ।
