२६ साउन– धार्मिक तथा पर्यटकीय स्थल गुप्तेश्वर गुफामा स्वयंसेवी एक संस्थाले सरसफाई तथा सरसफाईका सामग्री वितरण गरेको छ । सोमबार एक कार्यक्रमको आयोजना गरि नेपाल स्वयंसेवक संघ जिल्ला कार्यसमिति पर्वतले डस्बिन, कुचोलगायतका सामग्री वितरण गरेको हो । संघका सदस्यहरुले गुफा पुग्ने पदमार्ग, गुफा आसपासको क्षेत्र समेत सरसफाई गरेका थिए । संस्थाको तर्फबाट केही सदस्यहरुले गुप्तेश्वरमा स्वयंसेवकको भुमिका समेत निर्वाह गरेका थिए ।
संस्थाले नेपालभर अहिलेसम्म ६० जिल्लामा समिती विस्तार गरी सामाजिक कार्यमा सहभागि हुँदै आएको छ । संस्थाका अध्यक्ष नोदराज रेग्मी ‘अनिल’ले सामाजिक काम गर्नु युवाहरुको दायित्व भएको बताए । पहिलो चरणमा सोमबार गुप्तेश्वर गुफा सरसफाइ गर्ने र त्यसपछि पर्वतको विभिन्न धार्मिक एवं पर्यटकीय स्थलहरुमा सरसफाइ साथै सामाजिक काम गर्ने अध्यक्ष रेग्मीले बताए ।
प्रकाशित मिति २०७७ साउन २६ गते सोमबार ०१:२३
