गण्डकी प्रदेशमा नेपाली सेनाका २० सहित ३३ जनामा कोरोना संक्रमण पुष्टि भएको छ।
बुधबार बिहान क्षयरोग उपचार केन्द्र र पोखरा स्वास्थ्य विज्ञान प्रतिष्ठान, पोखरामा गरीएको परीक्षणमा थप ३३ जनाको रिपोर्ट पोजिटिभ आएको हो।
संक्रमितहरुमध्ये लमजुङका २३ जना, नवलपरासी (बर्दघाट सुस्तापूर्व) को गैँडाकोट र कावासोतीका ७ र कास्कीका ५ जना रहेको प्रदेश स्वास्थ्य निर्देशनालयका निर्देशक डा विनोदविन्दु शर्माले जानकारी दिए।
संक्रमितहरुमध्ये २० जना नेपाली सेनामा कार्यरात रहेको र १ जना ग्लोवल बैंकमा कार्यरत, एक अस्पतालमा कार्यरत स्वास्थ्यकर्मी रहेका छन्। त्यस्तै दुई जना भारतबाट र १ जना दुबइबाट आएका व्यक्तिमा पनि संक्रमण भेटिएको छ।
अध्यावधिक विवरण अनुसार गण्डकी प्रदेशमा कोरोना संक्रमितको संख्या १९४६ पुगेको छ भने निको हुनेको संख्या १६४३ (निको हुने दर ८४.४७) रहेको प्रदेश स्वास्थ्य निर्देशनालयका निर्देशक डा. शर्माले जानकारी दिए।
प्रकाशित मिति २०७७ भदौ १० गते बुधबार ०४:४४
