पर्वत । सरकारले गरिबी निवारणको लागि ७७ जिल्लामा संचालन गर्न लागेको गरिबी निवारण का लागि गरिबसंग बिश्वेश्वोर कार्यक्रम संचालन अभियानको संयोजकमा युवासंघ पर्वतका अध्यक्ष थमनारायाण पौडेललाई चयन गर्न नेकपा पर्वतले सिफारिस गरेको छ । ७७ जिल्लामै यो अभियान शुरु हुने भएपछि पर्वत जिल्लाको संयोजक तोक्नको लागि नेकपाले पौडेललाई भूमी व्यवस्था तथा सहकारी, गरिबी निवारण मन्त्रालयलाई पत्रकार गर्ने निर्णय गरेको हो ।
नेकपा पर्वतका अध्यक्ष एवं प्रतिनिधिसभाका सांसद पदम गिरीले उनलाई संयोजक तोक्न मन्त्रालयलाई पत्र पठाएका हुन् । पौडेल सांसद पदम गिरी निकट मानिन्छ । केपी ओलीमा रहेकै कारण उनीभन्दा अन्य योग्यलाई छोडेर पौडेललाई चयन गरिएको भन्दै नेकपा पर्वतमा असन्तुष्टि देखिएको छ ।
गरिबी निवारण अभियानलाई सफल बनाउनको लागि गरिब, मजदुरहरुको बारेमा बुझेको जानेको तथा मजदुर नेताहरुलाई नै संयोजक बनाउनु पर्ने भन्दै माग उठेको छ तर सांसद गिरीले पौडेललाई सिफारिस गरेका हुन् ।
प्रकाशित मिति २०७७ भदौ १२ गते शुक्रबार ०९:४४
