पर्वतको जलजला गाउँपालिकाका अध्यक्ष याम बहादुर मल्ल (रामकृष्ण) ले प्रहरीले स्थानीय निकायको कुनैपनि कुरा नमान्दा समस्या उत्पन्न भएको बताउनुभएको छ ।
मल्लले धौलागिरि मिडिया संग कुरा कानी गर्र्दैै प्रहरीकै अगाडी ठुलाठूला अवैध कारोवार भइरहेको तर नियन्त्रण गर्न लगाएपनि प्रहरीले असहयोग गरेको गुनासो र्गनु भएको छ । मल्लले कानूनको पालना नहुँदा स्थानीय सरकारलाई प्रहरीबाटै असहयोग भएको उहाँको भनाई छ । एकातिर कानून कार्यान्वयनको अन्यौलता र अर्कोतिर स्थानीय सरकारले नगर प्रहरी भर्ना गर्न नसक्ने अवस्था हुँदा बारम्बार काममा अवरोध सिर्जना भएको पनि उहाँले बताउनुभयो ।
प्रमुख मल्लले अवैध रुपमा भइरहेका थुप्रै कार्यहरुमा प्रहरीले असयोग गरेको भन्दै संघ मार्फत चल्ने प्रहरीले स्थानीय सरकार मार्फत चल्न नसक्ने भनेर अटेर गर्दा समस्या उत्पन्न भएको बताउनुभयो । उहाँले कालिगण्डकी नदीमा दर्ता नगरिएका क्रसरहरुले नदिजन्य पदार्थको उत्खनन् बढाएको तर, त्यसमा रोकथाम गर्न खोज्दा प्रहरीले नै अवरोध गरेको दावी गर्नुभयो ।
स्थानीय सरकारलाई कानूनी अडचन भई काम गर्न कठिनाई भैरहेका बेला प्रहरी समेतले असयोग गर्दा विकास लगायतका धेरै कुराहरुमा समस्या सिर्जना भएको गाउँपालिका प्रमुख मल्लको भनाई छ । बिकास निर्माका काम बिचबिच मा बाधा पुराउदा काम गर्न असहज भएको बताउनु भएको हो ।
प्रकाशित मिति २०७५ पुस २७ गते शुक्रबार ०५:२७
