श्रमिक दिवसका अवसरमा विरामीलाई फलफुल वितरण

मर्यादित काम, श्रमिकको सम्मान, हाम्रो अभियान’ भन्ने मुल नाराका साथ पर्वतमा १३५ औँ अन्तराष्ट्रिय दिवस मनाईएको छ । नेपाल टे«ड युनियन काँग्रेस जिल्ला कार्य समिति पर्वतको आयोजनामा पर्वत अस्पतालमा रहेका बिरामिलाई फलफुल बितरण गरि श्रमिक दिवस मनाईएको हो । अस्पतालमा रहेका २२ जना बिरामीलाई फलफुल वितरण गरिएको नेपाल टे«ड युनियन काँग्रेस पर्वतका अध्यक्ष सुरेन्द्र केसीले जानकारी दिए ।

नेपाल टे«ड युनियन काँग्रेसले श्रमिकहरुको समस्या र मुद्धामा केन्द्रीत भएर काम गरेको बताउँदै आगामी दिनमा पनि यस्ता कार्यक्रमलाई निरन्तरता दिने उनको भनाई छ । उनले सुशासनका माध्यमबाट आफ्नो आर्जनको सुरक्षा, अनुकूल सामाजिक वातावरण, उचित ज्याला एवं पारिश्रमिक, भयरहित, शान्त र सुरक्षित अवस्थाको वातावरण सिर्जना गर्न नेपाल टे«ड युनियन काँग्रेस जिल्ला कार्य समिति पर्वत जिल्ला सँधै क्रियाशील रहेको दावी गरे ।

फलफुल वितरण कार्यक्रममा बोल्दै प्रमुख अतिथी एमव् नेपाली काँग्रेस गण्डकी प्रदेश सदस्य सिता काफ्ले लामिछानेले मनाइँदै गरिएको १३५ औं अन्तर्राष्ट्रिय श्रमिक दिवसको शुभकामना व्यक्त गदै श्रमको उचित सम्मान र सम्पूर्ण श्रमजीवीहरुको स्थापित अधिकार पूर्ण कार्यान्वयन गर्न यस दिवसले सबैलाई प्रेरित गरेको बताउनु भयो ।

कार्यक्रममा नेपाली काँग्रेस पर्वतका द्धय उपसभापति डाक्टर चुडामणि शर्मा, शिवप्रसाद सुवेदी, नेका जिल्ला सदस्य शिव शर्मा अधिकारी, ओमप्रसाद शर्मा, नेपाली काँग्रेस कुश्मा नगरपालिका सभापति किशोर भण्डारी, नेपाली काँग्रेस प्रदेश सभा क का क्षेत्रिय सचिव केशव उपाध्याय, कोषध्याक्ष चित्रकला शर्मा भारती, कुश्मा नगरपालिका–४ का निवर्तमान अध्यक्ष मिना कर्माचार्य, वडा ५ का वडा अध्यक्ष रामहरि शर्मा, वडा नम्वर ७ का वडा अध्यक्ष परशुराम पुरी, नेपाल महिला संघ फलेवास नगर समितिकी सभापति गौरी शर्मा सापकोटा र जिल्ला रेडक्रस सोसाईटी पर्वतका सभापति रुद्रवहादुर रिमाल लगायतको उपस्थिती रहेको थियो ।उक्त कार्यक्रमको संचालन नेपाल टे«ड युनियन काँग्रेस जिल्ला कार्य समिति पर्वतका सचीव राम बास्तोलाले गर्नुभएको थियो ।

मे १ तारिख मजदुर वर्गले लामो सङ्घर्षपछि आफ्नो अधिकार प्राप्त गरेको एक ऐतिहासिक दिन हो । सन् १८८६ मे १ मा अमेरिकाको सिकागोमा आठ घण्टा काम, आठ घण्टा आराम र आठ घण्टा मनोरञ्जनको माग गर्दै मजदुरहरुले गरेको आन्दोलनको सफलताको स्मरण गर्दै यो दिनलाई संसारभरिका मजदुरले अन्तर्राष्ट्रिय श्रमिक दिवसका रुपमा मनाउँदै आएका छन् । नेपालमा पनि श्रमिक अधिकारको रक्षा र प्रवर्धनका लागि सबैलाई जागरुक बनाइराख्ने अवसरका रुपमा यो दिवस मनाईँदै आइएको छ ।